بِّسْمِ ٱللَّهِ ٱلرَّحْمَٰنِ ٱلرَّحِيمِ وَٱلتِّينِ وَٱلزَّيْتُونِ

قسم دى په انځر او زیتون (ښوون) باندې

وَطُورِ سِينِينَ

او په طور سینین (غره) باندې

وَهَٰذَا ٱلْبَلَدِ ٱلْأَمِينِ

او په دې امان وركوونكي/امن والا ښار باندې

لَقَدْ خَلَقْنَا ٱلْإِنسَٰنَ فِىٓ أَحْسَنِ تَقْوِيمٍۢ

چې یقینًا یقینًا مونږ انسان په ډېر ښكلي صورت (او اعتدال) كې پیدا كړى دى

ثُمَّ رَدَدْنَٰهُ أَسْفَلَ سَٰفِلِينَ

بیا دى مونږ وګرځاوه د ښكتو ډېر ښكته

إِلَّا ٱلَّذِينَ ءَامَنُوا۟ وَعَمِلُوا۟ ٱلصَّٰلِحَٰتِ فَلَهُمْ أَجْرٌ غَيْرُ مَمْنُونٍۢ

مګر هغه كسان چې ایمان يې راوړى دى او نېك عملونه يې كړې دي، نو د دوى لپاره نه ختمېدونكى اجر دى

فَمَا يُكَذِّبُكَ بَعْدُ بِٱلدِّينِ

نو (اى د قیامت منكره!) له دې نه وروسته تا څه شى د قیامت په هكله دروغ ګڼلو ته اماده كوي؟

أَلَيْسَ ٱللَّهُ بِأَحْكَمِ ٱلْحَٰكِمِينَ

ایا الله تر ټولو لوى حاكم نه دى؟