Səhər

بِسْمِ ٱللَّهِ ٱلرَّحْمَٰنِ ٱلرَّحِيمِ وَٱلضُّحَىٰ

Transliterasiya: Wad duhaa

And olsun səhərə;

وَٱلَّيْلِ إِذَا سَجَىٰ

Transliterasiya: Wal laili iza sajaa

And olsun sakitləşməkdə olan (və ya: getdikcə zülməti artan) gecəyə ki,

مَا وَدَّعَكَ رَبُّكَ وَمَا قَلَىٰ

Transliterasiya: Ma wad da'aka rabbuka wa ma qalaa

(Sənə bir neçə gün vəhy nazil etməməklə) Rəbbin səni (ya Peyğəmbər!) nə tərk etdi, nə də sənə acığı tutdu.

وَلَلْءَاخِرَةُ خَيْرٌۭ لَّكَ مِنَ ٱلْأُولَىٰ

Transliterasiya: Walal-aakhiratu khairul laka minal-oola

Şübhəsiz ki, axirət sənin üçün dünyadan daha xeyirlidir!

وَلَسَوْفَ يُعْطِيكَ رَبُّكَ فَتَرْضَىٰٓ

Transliterasiya: Wa la sawfa y'uteeka rabbuka fatarda

Həqiqətən, Rəbbin sənə (qiyamət günü ən uca şəfaət məqamı, Cənnətdə tükənməz ne’mətlər) bəxş edəcək və sən (Ondan) razı qalacaqsan!

أَلَمْ يَجِدْكَ يَتِيمًۭا فَـَٔاوَىٰ

Transliterasiya: Alam ya jidka yateeman fa aawaa

Məgər O səni yetim ikən tapıb sığınacaq vermədimi?!

وَوَجَدَكَ ضَآلًّۭا فَهَدَىٰ

Transliterasiya: Wa wa jadaka daal lan fahada

Sənin şaşqın (yaxud: uşaq vaxtı Məkkə vadisində azmış) vəziyyətdə tapıb yol göstərmədimi?!

وَوَجَدَكَ عَآئِلًۭا فَأَغْنَىٰ

Transliterasiya: Wa wa jadaka 'aa-ilan fa aghnaa

Səni yoxsul ikən tapıb dövlətli etmədimi?!

فَأَمَّا ٱلْيَتِيمَ فَلَا تَقْهَرْ

Transliterasiya: Fa am mal yateema fala taqhar

Elə isə yetimə zülm etmə!

وَأَمَّا ٱلسَّآئِلَ فَلَا تَنْهَرْ

Transliterasiya: Wa am mas saa-ila fala tanhar

Dilənçini də (qapıdan) qovma!

وَأَمَّا بِنِعْمَةِ رَبِّكَ فَحَدِّثْ

Transliterasiya: Wa amma bi ni'mati rabbika fahad dith

Və (həmişə) Rəbbinin sənə olan ne’mətindən söhbət aç!