The Mansions of the Stars

بِسْمِ ٱللَّهِ ٱلرَّحْمَٰنِ ٱلرَّحِيمِ وَٱلسَّمَآءِ ذَاتِ ٱلْبُرُوجِ

Транслитерация: Wassamaaa'i zaatil burooj

Каланча иясе булган күк белән ант итәмен.

وَٱلْيَوْمِ ٱلْمَوْعُودِ

Транслитерация: Wal yawmil maw'ood

Вә вәгъдә ителгән кыямәт көне белән.

وَشَاهِدٍۢ وَمَشْهُودٍۢ

Транслитерация: Wa shaahidinw wa mashhood

Вә җомга көне яки кыямәткә җыелган халык белән һәм ґәрәфә көне яки кешеләрнең кылган эшләре белен ант итәмен.

قُتِلَ أَصْحَٰبُ ٱلْأُخْدُودِ

Транслитерация: Qutila as haabul ukhdood

Чокыр ияләренә ләгънәт булды һәм һәлак булдылар. (Әүвәлге заманда патшасы да халыгы да мөшрикләр булган бер илдә, бер яшь егет иман китереп бер карт мөселманнан ислам динен өйрәнде. Бу хәбәр патшага ирешкәч, егетне чакыртып ислам динен ташла дип төрлечә ґәзап кылды. Егет патшага әйтте: "Халыгыңны җыеп алар алдында бу егетнең Раббысы булган Аллаһ исеме белән атамын, дип үземнең җәям һәм угым белән атсагыз гына үтерә алырсыз", – дип. Патша шулай эшләде, ук егетнең башына тиеп шаһит булды. Җыелган кешеләр, бу егетнең Раббысы Аллаһуга иман китердек, ислам динен кабул иттек, дип кычкырдылар. Патшаның бик каты ачуы килеп, гаскәреннән канау казытып, ул канауга утын тутыртып ут яктырды, ут кызгач ислам диненнән кире чыкмаган кешеләрне берәм-берәм утта яндырдылар. Шулай итеп мөселманнар ислам дине өчен бар да шаһит булдылар. Соңра Аллаһуның әмере илә ут канаудан чыгып патшаны һәм гаскәрләрен яндырып һәлак итте, җаннары җәһәннәмгә китте.)

ٱلنَّارِ ذَاتِ ٱلْوَقُودِ

Транслитерация: Annaari zaatil waqood

Канау казып ул канауны ут белән тутыручы кәферләргә Аллаһуның ләгънәте булды.

إِذْ هُمْ عَلَيْهَا قُعُودٌۭ

Транслитерация: Iz hum 'alaihaa qu'ood

Кәфер гаскәре мөселманнарны утта яндырганда, патша үзенең якыннары илә тамаша кылып карап утыралар иде.

وَهُمْ عَلَىٰ مَا يَفْعَلُونَ بِٱلْمُؤْمِنِينَ شُهُودٌۭ

Транслитерация: Wa hum 'alaa maa yaf'aloona bilmu 'mineena shuhood

Алар мөэминнәрне утта яндырып ґәзаб кылуларына гуаһлардыр.

وَمَا نَقَمُوا۟ مِنْهُمْ إِلَّآ أَن يُؤْمِنُوا۟ بِٱللَّهِ ٱلْعَزِيزِ ٱلْحَمِيدِ

Транслитерация: Wa maa naqamoo minhum illaaa aiyu'minoo billaahil 'azeezil Hameed

Ул кәферләр мөселманнарны утта яндырырлык ґәеп тапмадылар, мәгәр кодрәт иясе вә мактаулы булган Аллаһуга иман китергәннәре өчен генә аларны утта яндырып ґәзаб кылдылар.

ٱلَّذِى لَهُۥ مُلْكُ ٱلسَّمَٰوَٰتِ وَٱلْأَرْضِ ۚ وَٱللَّهُ عَلَىٰ كُلِّ شَىْءٍۢ شَهِيدٌ

Транслитерация: Allazee lahoo mulkus samaawaati wal ard; wallaahu 'alaa kulli shai 'in Shaheed

Ник ышанмаска Аллаһуга, бит җир вә күкләрнең патшалыгы Аның кулындадыр, вә Ул – Аллаһ һәрнәрсәне күрүче вә белүчедер.

إِنَّ ٱلَّذِينَ فَتَنُوا۟ ٱلْمُؤْمِنِينَ وَٱلْمُؤْمِنَٰتِ ثُمَّ لَمْ يَتُوبُوا۟ فَلَهُمْ عَذَابُ جَهَنَّمَ وَلَهُمْ عَذَابُ ٱلْحَرِيقِ

Транслитерация: Innal lazeena fatanul mu'mineena wal mu'minaati summa lam yatooboo falahum 'azaabu Jahannama wa lahum 'azaabul hareeq

Тәхкыйк ґәепсез мөэмин ирләрне вә мөэминә хатыннарны хаксыз рәнҗетүчеләр аларны нинди ґәзаб белән булса да ґәзаб кылучылар, соңра тәүбә итеп рәнҗеткән кешеләрнең ризалыгын алмасалар, аларгадыр җәһәннәм ґәзабы һәм каты яндыргучы ут ґәзабы.

إِنَّ ٱلَّذِينَ ءَامَنُوا۟ وَعَمِلُوا۟ ٱلصَّٰلِحَٰتِ لَهُمْ جَنَّٰتٌۭ تَجْرِى مِن تَحْتِهَا ٱلْأَنْهَٰرُ ۚ ذَٰلِكَ ٱلْفَوْزُ ٱلْكَبِيرُ

Транслитерация: Innal lazeena aamanoo wa 'amilus saalihaati lahum Jannaatun tajree min tahtihal anhaar; zaalikal fawzul kabeer

Тәхкыйк иман китереп яхшы эшләрне эшләп изге гамәлләрне кылган кешеләргә, асларыннан елгалар ага торган җәннәтләр, бу исә олугъ изге теләккә ирешүдер.

إِنَّ بَطْشَ رَبِّكَ لَشَدِيدٌ

Транслитерация: Inna batsha Rabbika lashadeed

Шиксез, синең Раббыңның ґәзаб белән тотмагы, әлбәттә, бик каты вә бик куркынычлы.

إِنَّهُۥ هُوَ يُبْدِئُ وَيُعِيدُ

Транслитерация: Innahoo Huwa yubdi'u wa yu'eed

Тәхкыйк Ул – Аллаһ башлап халык кылыр һәм үлгәч тергезеп яңадан кайтарыр.

وَهُوَ ٱلْغَفُورُ ٱلْوَدُودُ

Транслитерация: Wa Huwal Ghafoorul Wadood

Вә Ул тәүбә итеп төзәлүчеләрне ярлыкаучы һәм изге гамәл кылучыларны сөюче.

ذُو ٱلْعَرْشِ ٱلْمَجِيدُ

Транслитерация: Zul 'Arshil Majeed

Ул – Аллаһ олугъ булган ґәреш иясе.

فَعَّالٌۭ لِّمَا يُرِيدُ

Транслитерация: Fa' 'aalul limaa yureed

Теләгән эшене һич кичекмичә кылучы.

هَلْ أَتَىٰكَ حَدِيثُ ٱلْجُنُودِ

Транслитерация: Hal ataaka hadeesul junood

Тәхкыйк килер сиңа пәйгамбәрләргә каршы торган кәфер ґәскәрләренең хәбәре.

فِرْعَوْنَ وَثَمُودَ

Транслитерация: Fir'awna wa Samood

Фиргаун гаскәренең һәм Сәмуд кавеме гаскәренең хәбәре, алар бар да Аллаһ тарафыннан һәлак ителделәр.

بَلِ ٱلَّذِينَ كَفَرُوا۟ فِى تَكْذِيبٍۢ

Транслитерация: Balil lazeena kafaroo fee takzeeb

Бәлки имансызлар Коръәнгә һәм пәйгамбәргә ышанмауларында сабитлардыр, үлгәнче иман китермәсләр.

وَٱللَّهُ مِن وَرَآئِهِم مُّحِيطٌۢ

Транслитерация: Wallaahu minw waraaa'ihim muheet

Бит Аллаһ аларның артларыннан төшүче, һич котыла алмаслар.

بَلْ هُوَ قُرْءَانٌۭ مَّجِيدٌۭ

Транслитерация: Bal huwa Quraanum Majeed

Әлбәттә, ул Аллаһудан иңдерелгән китап – олугъ дәрәҗәле вә хөрмәтле Коръәндер.

فِى لَوْحٍۢ مَّحْفُوظٍۭ

Транслитерация: Fee Lawhim Mahfooz

Ул Ләүхүл Мәхфуздә язылмыштыр.