سَبِّحِ ٱسْمَ رَبِّكَ ٱلْأَعْلَى

Waynee Magaca Eebe ee Sarreeya.

ٱلَّذِى خَلَقَ فَسَوَّىٰ

Eebaha abuuray khalqiga ekeeyayna.

وَٱلَّذِى قَدَّرَ فَهَدَىٰ

Eebaha wax walba qaddaray Jidkana tusiyey.

وَٱلَّذِىٓ أَخْرَجَ ٱلْمَرْعَىٰ

Eebaha soo bixiya Daaqa.

فَجَعَلَهُۥ غُثَآءً أَحْوَىٰ

Kana dhiga markaas ka dib caws ingagagan oo Madow.

سَنُقْرِئُكَ فَلَا تَنسَىٰٓ

Waxaan kuu akhriyaynaa Quraanka halmaaminamaysid.

إِلَّا مَا شَآءَ ٱللَّهُ ۚ إِنَّهُۥ يَعْلَمُ ٱلْجَهْرَ وَمَا يَخْفَىٰ

Wuxuu Eebe doono mooyee, Eebana waa ogyahay waxa muuqda iyo waxa qarsoonba.

وَنُيَسِّرُكَ لِلْيُسْرَىٰ

Waxaana kuu fududaynhaynaa Waddo fiican.

فَذَكِّرْ إِن نَّفَعَتِ ٱلذِّكْرَىٰ

Ee wax waani (Nabiyow) markay wax tari waanadu.

سَيَذَّكَّرُ مَن يَخْشَىٰ

Waxaa waantoobi Ruuxa Eebe ka yaabee.

وَيَتَجَنَّبُهَا ٱلْأَشْقَى

Waxaana ka fogaan waanada Ruuxa xune.

ٱلَّذِى يَصْلَى ٱلنَّارَ ٱلْكُبْرَىٰ

Ee ah mid gali Naar wayn.

ثُمَّ لَا يَمُوتُ فِيهَا وَلَا يَحْيَىٰ

Oon kuna dhimanayn dhexdeeda kuna noolanayn.

قَدْ أَفْلَحَ مَن تَزَكَّىٰ

Waxaana liibaanay Ruuxii Daahir noqda.

وَذَكَرَ ٱسْمَ رَبِّهِۦ فَصَلَّىٰ

magaca Eebana Xusa, Salaaddana tukada.

بَلْ تُؤْثِرُونَ ٱلْحَيَوٰةَ ٱلدُّنْيَا

Saas ma'aha ee Dadku wuxuu doortay nolosha Adduunyo ee dhaw.

وَٱلْءَاخِرَةُ خَيْرٌۭ وَأَبْقَىٰٓ

Aakhiraase khayr badan baaqina ah (hadhi).

إِنَّ هَٰذَا لَفِى ٱلصُّحُفِ ٱلْأُولَىٰ

Arrintaasuna waxay ku sugantahay Kutubtii hore.

صُحُفِ إِبْرَٰهِيمَ وَمُوسَىٰ

Kutubtii (Nabi) Ibraahim iyo (Nabi) Muuse.